स्वास्थ्य बीमासँ दू लाख तकके इलाज सुविधा

काठमाण्डू, २५ अखारः स्वास्थ्य बीमा कार्यक्रममे आबद्ध नागरिककेँ आब दू लाख तकके इलाज प्रदान करबाक सुविधा भेल अइछ ।

स्वास्थ्य तथा जनसङख्यामन्त्री प्रदीप पौडेल एखनधैर एक लाख टकामे सीमित ई सुविधा अगिला साओन १ गतेसँ दोब्बर बनेबाक घोषणा कएने अइछ।

आइ सामाजिक सञ्जालमार्फत ओइ जानकारी दैत मन्त्री पौडेल आठ प्रकारके गम्भीर रोगीक लेल इलाज खर्च दोब्बर बनाएल गेल बतौलैन अइछ । “कड़ा रोगमे इलाजके खर्च नै भेल नागरिककेँ दुखमे राहत देबाक लेल साओन १ गतेसँ ई निर्णय लागू हएत”, फेसबुकमे ओ लिखने छैथ ।

आब क्यान्सर, हृदयरोग, किड्नी रोग, माथा आ रीढ़मे चोट (हेड इन्जुरी आ स्पाइनल इन्जुरी), सिकलसेल एनिमिया, पार्किन्सोनिज्म आ अल्जाइमर भेल रोगीकेँ दू लाख तकके इलाजक सुविधा देल जाए ।

अइसँ पहिने सरकार बीमा योजनामे समावेश भेल व्यक्तिकेँ अपना बसोबास कएने स्थानमे इलाज करबाक व्यवस्था तथा सब तहमे बीमा सुविधा विस्तार करबाक निर्णय भ चुकल अइछ । रासस