जाढ़सँ प्रभावित ७० मुसहर परिवारकेँ कम्मर वितरण

सिरहा। बितल किछ हप्तासँ तराई–मधेशमे फेरसँ बढ़ल शीतलहरके कारण जनजीवन कष्टकर भेलाक बाद सिरहाके ७० विपन्न मुसहर परिवारकेँ कम्मर वितरण कएल गेल अइछ ।

विशाल ग्रुप फाउन्डेसन जिलाक दू स्थानीय तहके विपन्न बस्तीमे जा राहत वितरण कएने अइछ । फाउन्डेसन अनुसार सखुवानन्कारकट्टी गाउँपालिका–२ पटनाके ४५ आ लक्ष्मीपुरपतारी गाउँपालिका—४ धञ्छवारके २५ गोटेसहित जमा ७० परिवारकेँ जनही एक–एकटा कम्मर प्रदान कएल गेल अइछ ।

बुधदिन आयोजित कम्मर वितरण कार्यक्रममे एनआइसी एसिया बैङ्क, लहान शाखाके प्रबन्धक लेखराज पौडेल संस्थागत सामाजिक उत्तरदायित्वअन्तर्गत जाढ़क जोखिममे भेल परिवारकेँ सहयोग कएल गेल बतौलैन ।

कम्मर प्राप्त कएलाक बाद स्थानीय ५३ वर्षीया दृष्टिविहीन तेतरीदेवी सदाय खुसी व्यक्त करैत जाढ़सँ बचबाक लेल अइसँ सहयोग होबाक बतौलैन । स्थानीय शिक्षक एवं समाजसेवी राम सुफल यादव सहजीकरण कएने उक्त कार्यक्रममे स्थानीयवासी विपद्के समयमे होएबला मानवीय सहयोगसँ बड़का राहत होबाक बतौने छलैन ।रासस