रतुवा खोलाको पुल  हाम्रो समुदायको प्रतिबिम्ब

तोमनाथ उप्रेती

धेरै लामो समयपछिको साझा सपना जब औपचारिक रूपमा पूर्णता प्राप्त भयो, त्यस क्षण हाम्रो हृदय कृतज्ञताको स्पन्दनले कम्पित भयो। यो केवल उद्घाटन समारोह मात्र रहेन, यो त वर्षौँको प्रतीक्षा, अनगिन्ती त्याग, मौन प्रार्थना र अडिग आशाहरूको विजय उत्सव बन्यो। नेपाल सरकार भौतिक पूर्वाधार तथा यातायात मन्त्रालय, सडक विभाग, हुलाकी राजमार्ग निर्देशनालयद्वारा निर्माण गरिएको हुलाकी राजमार्ग अन्तर्गत गौरीगञ्ज–आमबारी सडक खण्डमा निर्मित रतुवा खोलाको पुल केवल दुई किनार मात्र जोड्ने संरचना होइन, यो त हाम्रो पीडाका नदी पार गर्ने करुणाको नौका हो, यो त निराशाका बादल चिर्दै आशाको किरण छर्ने एउटा पवित्र दीप हो।

पुलको शाब्दिक अर्थ दुई पृथक ठाउँहरूलाई जोड्ने सञ्जाल हो, तर यो पुल त्यसभन्दा बढी अर्थ बोकेको छ। यो त मानवताको प्रेम र समर्पणको सेतु हो, जुन जनताको आशा, विश्वास र साहसले बनाइएको छ। यो पुलले हाम्रो सांस्कृतिक, सामाजिक र आर्थिक सीमाहरूलाई पन्छाउँदै एकताको अभिव्यक्ति प्रस्तुत गर्छ। यसले हामीलाई स्मरण गराउँछ कि भौतिक पूर्वाधार मात्र विकास होइन, त्यो मन र माटोको सम्बन्ध हो जुन हामीले प्रेम, सम्मान र सहकार्यबाट सिर्जना गर्छौं।

रतुवा खोलाको पुलले केवल बाटो मात्र जोडेको छैन, यसले विगतका पीडालाई पार गर्दै भविष्यका सपनाहरूलाई जोड्दै छ। हामीले सबैले भोगेका कठिनाइ र संघर्षलाई समेटेर यो पुल निर्माण गरिएको छ — त्यही किसानको पसिना, आमाहरूको आशीर्वाद, विद्यार्थीहरूको उज्यालो सपना र जनताको अडिग विश्वास। ती सबै भावनाले यो पुललाई एउटा पवित्र स्थान बनाएको छ, जहाँ बाटोहरू मात्र होइन, सपनाहरू र आशाहरू पनि जोडिन्छन्।

यस पुलका पिलरहरू पर्वतझैं अडिग छन्, जसले समयको आँधीपानी, बाढी र पहिरोहरूलाई सामना गर्दै टेकेर रहेको छ। ती पिलरहरू केवल फलाम र कंक्रीटको थुप्रो मात्र होइनन्, तिनमा किसानहरूको संघर्षको कहानी, आमाहरूको ममता र विद्यार्थीहरूको आशाको स्वप्न समाहित छ। यो पुलको प्रत्येक पिलरमा जनताको सामूहिक साहस र समर्पणको आत्मा विद्यमान छ।

पुलका गारोहरू आकाशजस्तै विशाल छन्, जसले व्यापकता र सहकार्यको गहिरो अर्थ बोकेको छ। त्यही गारोहरूले पुललाई उचाइ र विस्तार दिन्छन्, जसरी हाम्रो साझा लक्ष्य, आपसी सम्मान र सहयोगले हाम्रो समाजलाई उचाइ दिन्छ। आकाशजस्तो विशाल गारोहरूमा आत्मविश्वासको आभा र सहकार्यको सुवास मल्लिएको छ। यो बताउँछ कि भौतिक पूर्वाधार मात्र होइन, सामाजिक सम्बन्ध र आत्मिक बलले राष्ट्रलाई अडिग बनाउँछ।

यस पुलले हामीलाई एक महत्वपूर्ण पाठ सिकाउँछ— जहाँ नदीले दूरी बनाउँछ, पुलले सम्बन्ध बनाउँछ। जहाँ निराशा हुन्छ, पुलले आशाको किरण ल्याउँछ। जहाँ थकान हुन्छ, पुलले ऊर्जा दिन्छ। पुल केवल भौतिक यातायातको माध्यम होइन, यो राष्ट्रको चेतनामा बग्ने करुणा, आशा र विकासको जीवनदायिनी नदी हो।

पुलले हामीलाई सिकाउँछ कि बाटो मात्र खोल्दा विकास हुँदैन, सम्बन्ध, सद्भाव र विश्वासको पुल बनाउनु पर्छ। यो पुलले मान्छेका बीचको दुरीलाई मेटाएर, एक अर्काप्रति समझदारी र प्रेमको सेतु निर्माण गरेको छ। यही सेतुले हामीलाई सामाजिक, आर्थिक र सांस्कृतिक समरसतामा उभ्याउँछ।

जब सम्माननीय प्रधानमन्त्री एवम् राष्ट्रिय नेतृत्वकर्ता श्री केपी शर्मा ओलीज्यूका शुभ करकमलहरूले रतुवा खोलाको पुलमा आशाको दीप प्रज्वलन गर्नुभयो, त्यो क्षण केवल इतिहास बनेन, त्यो क्षण राष्ट्रको चेतनामा अध्यात्म र कृतज्ञताको स्निग्ध स्पर्श बोकेको पुण्य घडी बन्यो।

यसैगरी, जब माननीय भौतिक पूर्वाधार तथा यातायात मन्त्री श्री देवेन्द्र दाहालज्यूका कृपामय करकमलहरूले सपनाको शिलान्यासमा उद्घाटनको पवित्र प्रकाश फैलाए, मोरङ क्षेत्र नं २ का म्माननीय प्रतिनिधिसभा सदस्य श्री ऋषिकेश पोख्रेलज्यूले दुरदर्शी दृष्टिले उज्जवल भविष्यको बाटो अवलोकन गरिरहनु भएको थियो, रतुवामाई नगरपालिकाका आदरणीय नगर प्रमुख श्री नागेश्वर प्रसाद सिंहज्यूको अनुहारमा जनताको पीडा र आशा एउटै भावले झल्किरहेको थियो, र गौरिगञ्ज गाउँपालिकाकी आदरणीय अध्यक्ष श्रीमती फुलवती राजबंशीज्यूको मौन, मातृवत्सल मुस्कानले समर्पण र सेवा भावनाको सुगन्ध फैलाइरहेको थियो, त्यो दिव्य क्षणले हामी सबैलाई स्मरण गरायो— यो पुल केवल यात्राको मार्ग होइन, यो त सहकार्यको सुगन्ध, कर्तव्यको आलोक र भविष्य निर्माणको आशीर्वाद हो।

जहाँ बाधा हुन्छ, त्यहाँ बाटो बन्नुपर्छ। जहाँ निराशा हुन्छ, त्यहाँ आशाको किरण फैलिनुपर्छ। जहाँ दूरी हुन्छ, त्यहाँ सम्बन्धको पुल निर्माण हुनुपर्छ। यसरी, रतुवा खोलाको पुल राष्ट्रको विकास यात्राको एउटा महत्वपूर्ण संगम बिन्दु बन्न पुगेको छ, र यसले राष्ट्रको आत्मामा, जनताको आशामा र भविष्यको आकाङ्क्षामा पवित्र हस्ताक्षर गरेको छ।

विकास भनेको भौतिक मात्र होइन, सामाजिक र आध्यात्मिक पनि हो। एउटा पुलले बाटो मात्र जोड्दैन, त्यो हृदय, मस्तिष्क र आत्मालाई पनि जोड्नुपर्छ। जब हामीले विगतका दुस्ख र पीडालाई पार गर्यौं, तब मात्र भविष्य उज्यालो र सम्भावनाले भरिनेछ।

आज यो पुलले हामीलाई सम्झाउँछ कि एकतामा बल छ, सहकार्यमा विकास छ र समर्पणमा सफलता छ। यो पुल केवल फलाम र कंक्रीटको थुप्रो होइन, यो जनताको मनको आस्थाको मूर्ति हो, जहाँबाट हामीले सामाजिक समरसता, आर्थिक प्रगति र सांस्कृतिक एकताको यात्रा तय गर्नेछौं।

यस पुलमा खडा भएर हामीले बुझ्नुपर्छ कि हामी एउटै परिवार हौं, एउटै राष्ट्र हौं, जहाँ हरेक बाधा पार गरेर अघि बढ्न सकिन्छ। यो पुलले हामीलाई नयाँ अध्याय लेख्न प्रेरित गर्छ — त्यही अध्याय जसमा हामी सबैले मिलेर प्रेम, सद्भाव र समानताको पुल निर्माण गर्नेछौं।

रतुवा खोलाको पुलले देखाएको छ कि हाम्रो भविष्य हाम्रो प्रयास, विश्वास र सहकार्यमा निर्भर छ। यो पुलले ग्रामीण भेगलाई बजारसँग जोडेर आर्थिक समृद्धिको मार्ग प्रशस्त गरेको छ। यसले शिक्षा, स्वास्थ्य र सामाजिक सेवामा पहुँच वृद्धि गरेको छ, जसले दीगो विकासलाई सशक्त बनाएको छ।

यो पुल राष्ट्रको नयाँ अध्यायको पहिलो पाना हो, जहाँ बाटोहरू मात्र होइन, मानिसहरूको जीवन पनि उज्यालो र सुगम हुन्छ। हामीले यो बुझ्नुपर्छ कि शारीरिक पूर्वाधार मात्र होइन, सामाजिक र नैतिक पूर्वाधार पनि मजबुत बनाउन आवश्यक छ, जसले राष्ट्रलाई स्थायित्व र समृद्धितर्फ उन्मुख बनाउँछ।

रतुवा खोलाको पुल भौतिक संरचना होइन, यो हाम्रो मन र समाजबीचको सम्बन्धको पुल हो। यो त विश्वास, प्रेम र समर्पणको साक्षी हो, जसले हामीलाई विखण्डित समाजबाट एकजुट राष्ट्रमा परिणत गर्ने प्रेरणा दिन्छ।यस पुलले हामीलाई सिकाउँछ कि जहाँ बाटो टुट्छ, त्यहाँ नयाँ मार्ग बनाउनु पर्छस जहाँ दूरी हुन्छ, त्यहाँ सम्बन्ध जोड्नु पर्छस जहाँ निराशा छ, त्यहाँ आशाको दीप बाल्नु पर्छ।

आज, रतुवा खोलाको पुलबाट हामीले मात्र नदी पार गरेका छैनौं, हामीले आफ्ना सीमाहरू, डरहरू र संकुचनहरू पनि पार गरेका छौं। अब हामी अघि बढ्नेछौं — सेवा, सद्भाव र सहकार्यको उज्यालो यात्रातर्फ, जहाँ प्रत्येक पाइला भविष्यका सुनौलो सपना हुन्।यस पुलको अस्तित्व हाम्रो साझा प्रयास, विश्वास र समर्पणको प्रतिफल हो — जुन सदैव राष्ट्रको गौरव र जनताको आत्मगौरवको रुपमा रहिरहनेछ।आज हामीले बुझ्नुपर्छ— पुल मात्र सडक पार गराउँदैन, यो हाम्रो अन्तरमनका डरहरू पार गराउँछ, हाम्रो समाजका विखण्डित टुक्राहरूलाई एकतामा बाँध्छ, र हामीलाई सहकार्य र समर्पणको असल अर्थ सम्झाउँछ।