हाइकुहरू

हाइकुहरू

तोमनाथ उप्रेती

१.
ध्यानको कुरा,
मोबाइलमै हरायो मन
शान्ति माैन।

२.
इच्छा ठूलो छ,
परिश्रम सानो भयो
सपना निदायो।

३.
ज्ञानको भारी,
कर्मको झोला खाली
गीता मुस्कायो।

४.
आत्मबोध खोज्दा,
सेल्फीमै भेटियो आज
दर्पण लजायो।

५.
योगको चर्चा,
मन बजारमा दौडियो
श्वास थकित भो।

६.
शान्ति चाहियो,
हल्लामै खोजिरह्यौँ
मन हाँस्यो।

७.
संकल्प ठूलो,
अल्छी सानो छैन है
युद्ध भित्रै।

८.
धर्मको भाषण,
क्रोधको लाइभ प्रसारण
मन चकित।

९.
आदर्श भारी,
आचरण हलुका भो
तौल बिग्रियो।

१०.
बुद्धको फोटो,
मन अझै भड्किरह्यो
फ्रेम मुस्कायो।