मधेश प्रदेशमे ‘हेल्लो सिएम’ कार्यक्रम घोषणा

जनकपुरधाम। मधेश प्रदेशमे सुशासन कायम करबाक उद्देश्यसँ प्रदेश सरकार जनतासङे प्रत्यक्ष संवाद करए लेल ‘हेल्लो सिएम’ अर्थात् हेल्लो मुख्यमन्त्री विशेष कार्यक्रम सार्वजनिक केलक अइछ ।

प्रदेश सरकारद्वारा अगिला आर्थिक वर्ष २)८२र८३ क लेल आनल नीति तथा कार्यक्रममे ओइ कार्यक्रम समावेश कएल गेल अइछ । योजनाअन्तर्गत जनता अपन शिकायत, सुझाव तथा समस्याकेँ मुख्यमन्त्री कार्यालयमे प्रत्यक्ष पेश करबाक कहल गेल छै ।

एहि लेल टेलिफोन, सामाजिक सञ्जाल तथा डिजिटल प्लेटफर्ममार्फत सिधा सम्पर्क क सकत । सएह अनुसार प्रदेश सरकार विशेष सूचना प्रणालीमार्फत शिकायत ‘टिपोट ट्रयाकिङ’ तथा समाधान प्रक्रिया अनलाइन ‘ड्यासबोर्ड’मार्फत सञ्चालन कएल जाएबला जनौलक अइछ । हेल्लो सिएम कार्यक्रमकेँ सरकार शिकायत सुनैबला माध्यममे सीमित नै क समाधान आ समाधानमुखी बनेबाक जनौलक अइछ ।

समस्याकेँ गम्भीरतापूर्वक सम्बोधन करैत नीति निर्माण प्रक्रियामे सेहो जनताके प्रत्यक्ष सहभागिता सुनिश्चित कएल जाएबला मधेश प्रदेश मुख्यमन्त्री सिंहके कहब अइछ । एहि कार्यक्रमकेँ समावेशी, पारदर्शी तथा टिकाउ शासनके आधारस्तम्भके रुपमे विकास कएल जेबाक ओ बतौलैन ।

एहिना, सङ्घीय सरकारअन्तर्गत शिकायत सुनुवाइ लेल ‘हेल्लो सरकार’के व्यवस्था अइछ । तत्कालीन प्रधानमन्त्री बाबुराम भट्टराईके समयमे प्रधानमन्त्री तथा मन्त्रिपरिषद्के कार्यालय मातहत रहबाक हिसाबे एकर घोषणा कएने छल ।रासस