उच्च अदालत जनकपुर, अस्थायी इजलास वीरगञ्जमे सुरक्षा व्यवस्थामे कड़ाइ

वीरगञ्ज (पर्सा), ३१ जेठः उच्च अदालत जनकपुर, अस्थायी इजलास वीरगञ्जक न्यायाधीस उपर इजलास कक्षमे दुव्र्यवहार भेलाक बाद पर्सा प्रहरी अदालत परिसरमे सुरक्षा व्यवस्थाकेँ कड़ाइ कएलक अइछ । १४ टा न्यायाधीसके व्यक्तिगत सुरक्षामे खटल ‘पिएसओ’ आ अन्य सुरक्षाक’ लेल खटल सुरक्षाकर्मीसमेत परिवर्तन क सुरक्षा व्यवस्थाकेँ कड़ाइ कएलक अइछ । अइ ठाँमक न्यायाधीसद्वय डा खुशीप्रसाद थारु आ अर्जुन महर्जनउपर इजलास कक्षमे नेकपा (बहुमत)क तीन गोटे कार्यकर्ता वृहस्पैतदिन दुपहर करिब ४ बजेके समयमे इजलास कक्षेमे दुव्र्यवहार कएने छल । उक्त पार्टीके कार्यकर्ता कहल गेल सिरहा गोलबजारके गर्भु महतो, सर्लाही बरहथवाक पदमबहादुर मगर आ प्यूठानके किशोर कुमारकेँ प्रहरी अदालत परिसरसँ गिरफ्तार कएने छल । जिला प्रहरी कार्यालय पर्साक प्रमुख गौतम मिश्र न्यायाधीसद्वयउपर दुव्र्यवहार करैबला जिला अदालत पर्सामे म्याद बढ़ेबाक लेल शुक्रदिन पठाएल गेल अइछ जानकारी देलैन अइछ । “नास्ताके बाहना बना क अदालतभित्र घुसल हुनकासभ मौका देख क न्यायाधीसद्वयउपर दुव्र्यवहार कएने रहए,” ओ कहलैथ, “पकड़ाएल व्यक्तिकेँ शुक्रदिन अदालतमे म्याद बढ़ेबाक लेल पठौने छी ।” ओ दुव्र्यवहार करैबलाकेँ अदालतके मानहानी, साइबर क्राइम, अभद्र व्यवहारसहितके कसुरमे अनुसन्धान कएल जाएबला बतौलैन । अइसँ पहिने १४ टा न्यायाधीसके लेल एक–एक गोटे पिएसओ खटाबैत आइब रहल छल तँ अदालत परिसरमे एक दर्जन सुरक्षाकर्मी खटाएल गेल छल । प्रहरी प्रमुख मिश्र उक्त घटनाबाद अदालत परिसरमे सुरक्षा व्यवस्था कड़ाइ कएल गेल जानकारी देलैन अइछ । “विगत लम्बा समयसँ कार्यरत रहल १४ टा न्यायाधीसके ‘पिएसओ’केँ परिवर्तन क नयाँ पठौने छी” ओ कहलैथ, “अदालत परिसरके सुरक्षामे खटल प्रहरीके जनशक्ति सेहो बढा क सुरक्षाकेँ आओर मजबुत करेबाक भ रहल अइछ ।” रासस