भ्वाइस खबर
काठमाण्डू। निर्वाचन आयोग समानुपातिक निर्वाचन प्रणालीदिस एक करोड़ ५० लाख मतपत्र छपाए चुकल जनौलक अइछ ।
मतपत्र छपाइ इएह माघ २ गतेसँ जनक शिक्षा सामग्री केन्द्र लिमिटेडके छापाखानामे सुरू भेल छल । आब ५० लाख मतपत्र छपाइ बाँकी रहल अइछ ।
समानुपातिकदिस मतपत्र छपेलाक बाद प्रत्यक्ष निर्वाचन प्रणालीदिसके मतपत्र छपेबाक आयोग जनौलक अइछ ।
प्रत्यक्षदिसके उम्मेदवारके अन्तिम नामावली तय भ चुकल अइछ । मनोनयन पत्र दर्ता प्रयोजनक लेल एकप्रति मतदाता नामावली छपाए क सब जिलामे पहुँचाएल गेल छल ।
अगिला फागुन २१ गते होएबला प्रतिनिधिसभा निर्वाचनमे तीन हजार ४०६ गोटे उम्मेदवारके नामावली आयोग सार्वजनिक केलक अइछ । आयोग शुक्रदिन निर्वाचन चिन्हसेहो प्रदान केलक अइछ ।
आयोगक प्रवक्ता नारायणप्रसाद भट्टराई अनुसार तीन हजार १७ पुरुष, ३८८ महिला आ अन्यमे एक गोटे उम्मेदवार तय भेल अइछ । उम्मेदवारी दर्तासँ फिर्ताधैरके निर्वाचन कार्यक्रम शान्तिपूर्ण आ उत्साहजनक रूपमे सम्पन्न भेल आयोग उल्लेख केलक अइछ ।
समानुपातिक निर्वाचन प्रणालीअन्तर्गतके उम्मेदवारके नामावली सेहो प्रकाशित भ चुकल अइछ ।रासस
भ्वाइस खबर
प्रतिक्रिया