जनताके हितके लेल सत्तापक्षसङ दू बिन्दु सहमतिः अध्यक्ष दाहाल

मोरङ, ३१ जेठः नेपाल कम्युनिष्ट पार्टी (माओवादी केन्द्र)क’ अध्यक्ष पुष्पकमल दाहाल ‘प्रचण्ड’ देश आ जनताके वृहत्तर हितके लेल सत्तापक्षसङ दू बिन्दु सहमति कएल गेल बताैलैन अइछ । आइ विराटनगर विमानस्थलमे सञ्चारकर्मीसँ बात करैत ओ भिजिट भिसा प्रकरणमे खोजबिन करए लेल समिति बनेबाक विषयमे सहमति कएल गेल उल्लेख कएलैन । अध्यक्ष दाहाल सदनसँ निजामती आ शिक्षासहितके’ ऐन जल्दी पारित करबाक चाही तँए सदनके गतिरोध अन्त कएल गेल बतौलैन । ओहि अवसरमे ओ पूर्वराष्ट्रपति आ पूर्वउपराष्ट्रपति फेर राजनीतिकमे आएबाक सन्दर्भमे कानुन निर्माण जरुरी रहल कहलैन।