कुलिङ पिरियडसम्बन्धी व्यवस्थाकेँ तोड़मोड़ कएनिहारकेँ कारबाहीक मांग

काठमाण्डू, १८ अखारः नेपाल कम्युनिष्ट पार्टी (माओवादी केन्द्र) प्रतिनिधिसभा, राज्य व्यवस्था समितिसँ पारित सङ्घीय निजामती विधेयकमे रहल ‘कुलिङ पिरियड’सम्बन्धी व्यवस्था तोड़मोड़ कएनिहारकेँ कारबाही करए लेल मांग कएलक अइछ । पार्टी मुख्यालय पेरिसडाँडामे आइ आयोजित पत्रकार सम्मेलनमे उपाध्यक्ष एवम् प्रवक्ता अग्निप्रसाद सापकोटा उक्त प्रकरणके निष्पक्ष खोजबिन करबाक मांग कएलैन ।

“विधेयक कार्यसूचीमे समावेश करएसँ ल क पारित करए धैर ई एकाध व्यक्तिद्वारा कएल काज नै भ सकैत छै । ई सुनियोजित तरिकासँ भ सकैत छै। एकर जिमा नैतिक रूपमे संसद्के नेतृत्वके सेहो लिय पड़त”, सापकोटा कहलैन ।

ओ नेपाल शिक्षक महासङ्घसङ संसद्सँ अखार १५ गतेभित्र विद्यालय शिक्षा विधेयक पारित करबाक सहमति सेहो एखनधैर पारित नै होएब दुःखद् भेल टिप्पणी कएलैन । सहमति कार्यान्वयन करबाक चाही से सरकारके सरोकार पक्षसभबीचके अन्तरविरोध होएब सरकार सहमतिप्रति गम्भीर नै भेल प्रमाणित होइछै”, ओ कहलैन ।

प्रवक्ता सापकोटा शिक्षा विधेयक यथाशीघ्र पारित क शिक्षककेँ आन्दोलन करए लेल बाध्य नै करबाक लेल आग्रह कएलैन । प्रवक्ता सापकोटा कृषि क्षेत्रके समग्र समस्या समाधान करैत कृषकसभकेँ आवश्यक मल, बीउ तत्काल उपलब्ध करेबाक लेल सरकारक ध्यानाकर्षण करेलैथ ।रासस