हाइकुहरू

हाइकुहरू

तोमनाथ उप्रेती

१.

तुलना फालियो
आत्मबोधको बाटो खुल्यो
मन फुल्यो मधुर।

२.
असन्तोष मेटियो
करुणा फुल्यो हृदयमा
साझा आनन्द आयो।

३.
ईर्ष्याले जलाउँछ
अहंकार बाँध्छ मनमा
विवेकले तोड्छ।

४.
ध्यानको उज्यालो
छायामा लुकेको ज्ञान
मनलाई छेड्छ।

५.
‘म’ बाट ‘हामी’ भयो
असन्तोषमा पूर्णता छायो
जीवन शान्त भयो।

६.
समर्पण, सेवा, प्रेम
ईर्ष्याको अन्धकार हटायो
अस्तित्व बन्छ उज्यालो।

७.
स्वयंलाई चिनेपछि
सत्यको मार्ग प्रकट भयो
मन स्थिर भयो।

८.
ईर्ष्याबाट मुक्त
विवेकले जीवन सजायो
प्रकाश फैलियो।