ब्राउन सुगरसहित तीन जना प्रहरीको नियन्त्रणमा

रामशंकर भण्डारी

सिरहा प्रहरीले प्रतिबन्धित लागुऔषध ब्राउन सुगरसहित तीन जनालाई प्रहरीले नियन्त्रणमा लिएका छन् ।

जिल्लाको गोलबजार नगरपालिका–४ शिव मन्दिर चौकबाट इलाका प्रहरी कार्यालय गोलबजारबाट खटिएको टोलीले गत मंगलबार राति क्याम्पस रोडबाट शिव मन्दिरतर्फ जाँदै गरेको स ३ प ६३४४ नम्बरको मोटरसाइकल जाँच गर्ने क्रममा उनीहरूलाई नियन्त्रणमा लिएको हो।
जिल्लाकै गोलबजार–७ बस्ने पंकज मण्डल, वडा नम्बर –६ बस्ने अरविन्द सिंह दनुवार र वडा नम्बर–२६ बस्ने रबिन मुखिया रहेका प्रहरीले जानकारी दिएका छन्।
प्रहरीले मुखियालाई चेकजाँच गर्ने कर्ममा लगाएको ज्याकेटको खल्तीबाट १ ग्राम १९० मिलिग्राम ब्राउनसुगर फेला परेको प्रहरीले जनाएको छ।
नियन्त्रणमा लिएका तिनै जनालाई थप अनुसन्धान भइरहेको जिल्ला प्रहरी कार्यालय सिरहाको सुचना अधिकारी तथा डिएसपी विरेन्द पासवानले बताए।