सप्तरी प्रहरीले दाजुको हत्या आरोपी भाईलाई २० बर्षपछि गरे पक्राउ

राजविराज। सप्तरी प्रहरीले २० बर्षअघि दाजुको हत्या गरेको आरोपमा सप्तरीबाट एक जनालाई पक्राउ परेका छन् । पक्राउ पर्नेमा सप्तरीको महादेवा गाउँपालिका- ३ बस्ने उमेश रजक छन् ।

विस. २०६१ माघ १ गतेमा उमेश र उनका दाजु गणेशीबीच कुटपिट भएको थियोे । कुटपिटबाट गम्भीर घाइते भएका गणेशीकाे उपचारका क्रममा मृत्यु भएको थियो ।

सप्तरी प्रहरीका अनुसार घटनापछी फरार रहेका उमेशलाई खोजतलास गर्ने क्रममा पक्राउ गरिएको छ ।

जिल्ला अदालतबाट पक्राउ पुर्जी लिई नियन्त्रणमा लिइएको सप्तरी प्रहरीका प्रबक्ता एवं डीएसपी जितेन्द्र कुमार बस्नेतले जानकारी दिए ।

मंगलबार पक्राउ परेका उमेशलाई सप्तरी जिल्ला अदालतबाट ७ दिनको म्याद थप गराई अनुसन्धान शुरु गरिएको जिल्ला प्रहरी कार्यालय राजविराजले जनाएको छ ।