“पेट्रोलियम पदार्थ आयातसँ ७३ अरब राजस्व सङ्कलन

वीरगञ्ज (पर्सा), ११ अखारः वीरगञ्ज भन्सार कार्यालय चालु आर्थिक वर्ष २०८१/८२के ११ महिनामे सबसँ बहुत राजस्व पेट्रोलियम पदार्थके आयातसँ ७३ अरब १८ करोड़ टका सङ्कलन कएलक अइछ ।

कार्यालय चालु आवके ११ महिनामे पाँच किसिमके पेट्रोलियम पदार्थ आयातमे एक खर्ब ७४ अरब नौ करोड़ टका नगद खर्चा कएने अइछ । आयातसँ प्राप्त कुल राजस्वमे मुख्य २० वस्तुसँ प्राप्त राजस्वके योगदानमे पेट्रोलियम पदार्थके हिस्सा ४६ दशमलव ४३ प्रतिशत रहल अइछ ।

वीरगञ्ज भन्सार कार्यालयक प्रमुख भन्सार प्रशासक दीपक लामिछाने वीरगञ्ज भन्सारके राजस्वके मुख्य आधार नै पेट्रोलियम पदार्थ आ सवारीसाधनके आयातसँ प्राप्त होएबला राजस्व रहल बतौलैन । तहिना, दोसर बहुत राजस्व तँ यातायात साधन आ तिनक’ पार्टपुर्जा आयातसँ १७ अरब ७० करोड़ टका नगद प्राप्त भेल अइछ । आयातसँ प्राप्त राजस्वमे यातायातके साधन आ पार्टपुर्जाके हिस्सा ११ दशमलव २३ प्रतिशत अइछ ।

तहिना, लोहा तथा लोहासँ बनल सामानसँ पाँच अरब ७८ करोड़ टका राजस्व सङ्कलन कएलक अइछ । मेसिनरी तथा पार्टपुर्जा आयातसँ पाँच अरब २६ करोड़ टका सङ्कलन कएलक अइछ । इलेक्ट्रिक मेसिनरी, उपकरण आ तकर पार्टपुर्जा आयातसँ तीन अरब ६७ करोड़ टका सङ्कलन भेल प्रमुख भन्सार प्रशासक लामिछाने बतौलैन ।

चालु आवके ११ महिनामे सब प्रकारके कपड़ा आयातसँ तीन अरब छ करोड़ टका राजस्व सङ्कलन भेल अइछ । सएह अवधिमे सुर्ती आ सुर्तीजन्य पदार्थके आयातसँ दू अरब ५८ करोड़ टका, शृङ्गारक सामान आयातसँ दू अरब ५२ करोड़ टका, प्लाष्ट्रिकके कच्चा पदार्थ आयातसँ दू अरब ३२ करोड़ टका तथा अन्य लुब्रिकेटङ्ग आयलके आयातसँ दू अरब १९ करोड़ टका राजस्व सङ्कलन भेल प्रमुख भन्सार प्रशासक लामिछाने जानकारी देलैन अइछ ।”