मधेश प्रदेशको ४७ अर्बभन्दा बढीको बजेट आज प्रदेश सभामा पेस हुँदै

अर्थमन्त्री सुनिलकुमार यादवले बजेट अपराह्न ४ बजे बस्ने प्रदेशसभा बैठकमा पेस गर्ने कार्यक्रम रहेको प्रदेशसभा सचिवालयले जनाएको छ। सचिव वासुदेवप्रसाद कोइरालाले एक विज्ञप्तिमार्फत बजेट प्रस्तुतिको कार्यसूचीबारे जानकारी दिएका छन्।

संविधान र प्रदेशसभा नियमावलीअनुसार प्रत्येक वर्ष असार १ गतेभित्र सरकारले आगामी आर्थिक वर्षको बजेट प्रस्तुत गर्नुपर्ने प्रावधान छ। सोही व्यवस्थाअनुसार यस वर्षको बजेट पनि आज पेस हुन लागेको हो।