अनेमसंघ काठमाण्डौ जिल्ला कमिटीको विस्तारित बैठक, अभिमुखिकरण कार्यक्रम संघका संयोजक थममाया थापाको प्रमुख आतिथ्यतामा सम्पन्न

२०७९ साउन २४, काठमाण्डौ बसुन्धरा, अनेमसंघ काठमाण्डौ जिल्ला कमिटीको विस्तारित बैठक, अभिमुखिकरण र संगठन सवलीकरणका लागि योजना निर्माण गर्ने काम संघका संयोजक थममाया थापाको प्रमुख आतिथ्यता, जिल्ला अध्यक्ष सरिता दाहालको अध्यक्षता र विशेष अतिथिहरू बाग्मती प्रदेश संयोजक सुशिला नेपाल, सचिव सरस्वती बस्नेत हुनुहुन्थ्यो।

कार्यक्रममा नेकपा(एमाले) पार्टी जिल्ला अध्यक्ष दिपक निरौलाले पार्टी र अनेमसंघबीच कामको समन्वयसहित पार्टीलाई मजवुत बनाउन महिला नेताहरूको भूमिका सम्वन्धमा, अनेमसंघ बागमती प्रदेश संयोजक र सचिवले केन्द्रीय सचिवालयको बैठकबाट जारी अन्तरसमिति निर्देशन अनुसारको कार्ययोजना र प्रमुख अतिथि थममाया थापाले अनेमसंघको समग्र कामको सन्दर्भमा देशभरी भैरहेको संगठनको कामको बारेमा जानकारी दिनुका साथै समसामियक राष्ट्रिय राजनीति र चुनौतिको सामना गर्ने सम्वन्धमा निर्देशनात्मक मन्तव्य राख्नुभएको थियो ।