भ्वाइस खबर
तोमनाथ उप्रेती
युवा उठ्छन्
आत्मचेतनाको झोला बोकेर
अँध्यारोमा छाला चम्काउने बेला आएको छ
राजनीतिक धुलो
संस्थागत कमजोरी
लोभ, अहंकार, द्वेषका दैत्यहरू उभिएका छन्।
तर आत्मशुद्धि,
अचम्मको अस्त्र
टिकटक र इन्स्टाग्रामका फिल्टरभन्दा बलियो।
विचार, भावना, र कर्मको
विवेकपूर्ण युद्ध
जहाँ रिल पनि कहिले-काँही शस्त्र बनिरहन्छ।
शहर, गाउँ, मञ्च र मिडियामा
उनीहरूको क्रान्ति गुञ्जिन्छ
तर कहिले-काँही ट्रेन्डिले नै निर्णय गर्छ
सिर्जनशीलता र विवेकको ज्वाला
भ्रष्टाचार र अन्यायको अन्धकारमा हराउँछ।
यो युद्ध
यो आन्तरिक संघर्ष
आत्मसाक्षात्कारको रणभूमि।
जहाँ प्रत्येक निर्णय
प्रत्येक कर्म
समाज र राष्ट्रप्रति जिम्मेवारीको घोष।
युवा चेतनाका सैनिक
सत्य र धर्मको ध्वज लिएर अघि बढ
कहिले-काँही, इमोजीले मात्र बुझाउँछ।
यो युद्ध समाप्त हुँदैन
तर जित
हाम्रो विवेक, आत्मशुद्धि, र जिम्मेवारीमा छ
अनि कहिलेकाहीँ
ह्यासट्यागमा।
भ्वाइस खबर
प्रतिक्रिया