कल्याणपुरके नगरप्रमुख साह एक लाख घुस नगदसहित पकड़ाएल

सिरहा, ३२अखार : सिराहाके कल्याणपुर नगरपालिकाक नगरप्रमुख रामपुकार साह एक लाख टका घुस सहित रङ्गेहात पकड़ाएल अइछ । अख्तियार दुरुपयोग अनुसन्धान आयोग बर्दीबास कार्यालयसँ खटल टोली आइ दुपहर हुनका नगरपालिकाक कार्यालय परिसरेसँ नियन्त्रणमे लेलक अइछ ।

आयोगक अनुसार, उपभोक्ता समितिसँ भुक्तानीके प्रक्रियामे नगरप्रमुख साह एक लाख टका घुस ल रहल अवस्थामे हुनका गिरफ्तार कएल गेल अइछ । आयोग पूर्व जानकारीक आधारमे निगरानी करैत आएल आ प्रमाणसहित हुनका नियन्त्रणमे लेल गेल आयोगक स्रोत जनौलक अइछ ।

हाल घटना स्थलसँ घुस नगदसहित मुचुल्का तैयार क साहविरुद्ध आवश्यक कानुनी प्रक्रिया आगू बढ़ाएल गेल आयोगके कार्यालय बर्दीबासद्वारा जानकारी देल गेल अइछ ।